اسلام آباد : حکومت نے جوہری دھماکوں کے24 سال مکمل ہونے پر دس روزہ تقریبات منانے کا فیصلہ کرلیا، قومی تقریبات منانے کا آغاز 19 مئی سے ہوگا۔
تفصیلات کے مطابق حکومت کی جانب سے یوم تکبیر کی مناسبت سے "نہ جھکے تھے، نہ جھکیں گے” کا عنوان جاری کردیا گیا۔
وزیراعظم شہباز شریف نے جوہری دھماکوں کے 24 سال ہونے پر 10 روزہ تقریبات منانے کا فیصلہ کرتے ہوئے کہا قیام پاکستان کی ڈائمنڈ جوبلی کی طرز پر یوم تکبیر قومی جذبے سےمنایا جائے۔
وزیراعظم شہباز شریف کا جوہری دھماکوں کے 24 سال مکمل ہونے پر 10 روزہ تقریبات منانے کا فیصلہ قیام پاکستان کے 75 سال مکمل ہونے کی ڈائمنڈ جوبلی تقریبات کی طرز پر یوم تکبیر ملک بھر میں قومی جذبے سے منایا جائے: وزیراعظم کی ہدایت #نہ_جھکے_تھے_نہ_جھکیں_گے pic.twitter.com/6xRFiCvXBE
— Marriyum Aurangzeb (@Marriyum_A) May 19, 2022
یوم تکبیر کے موقع پر وفاق، صوبوں، آزاد جموں و کشمیر اور جی بی حکومتوں تقریبات کے انعقاد کی ہدایت کردی ہے۔
وفاقی وزیر اطلاعات مریم اورنگزیب نے کہا ہے کہ یوم تکبیر پر قومی تقریبات منانے کا آغاز 19 مئی سے ہوگا ، 28 مئی قومی مفادات کی خاطر کبھی نہ جھکنے کی عظیم تاریخ کا دن ہے۔
مریم اورنگزیب کا کہنا تھا کہ نوازشریف کی قیادت میں ملک ایٹمی قوت بنایا، اب معاشی قوت بنائیں گے، وفاقی، صوبائی اورضلعی سطح پر یوم تکبیر کی تقریبات منعقد کی جائیں گی،مریم اورنگزیب
وفاقی وزیر نے مزید کہا کہ طلبااور نوجوانوں کو خاص طور پر ان تقریبات کا حصہ بنایا جائے گا، وزیراعظم نے تمام طبقات سے قومی دن جذبے سے منانےکی اپیل کی ہے۔
