دنیا بھر میں معمر افراد کے علاوہ اب نوجوانوں میں بھی بالوں کے سفید ہونے کی شکایت عام ہوچکی ہے، بالوں کی سفیدی کی وجہ بعض اوقات طویل العمری نہیں بلکہ بیماری ہوتی ہے۔
ہم میں اکثر لوگ جو بالوں کی سفیدی کا شکار ہوچکے وہ حل تلاشتے پھرتے ہیں، لیکن صحیح طریقہ علاج نہ ملنے پر پچھتاوا بھی ہوتا ہے۔ تاہم اس خبر میں آپ کو وہ مفید مشورے دیے گئے ہیں جن کے ذریعے بالوں کو جلد سفید ہونے سے بچایا جاسکتا ہے۔ درجہ ذیل غذاؤں اور علاج کو مستقل مزاجی سے اپنانا ہوگا۔
آملے کا جوس
آملہ پھل قدرت کے خزانوں سے مالا مال ہے جس میں موجود وٹامن سی اور اینٹی آکسائیڈنٹس آپ کے بالوں کو سفید ہونے سے بچائیں گے، اس پھل کا ایک گلاس جوس روزانہ پینا چاہیے، جسم میں گردش کرنے والے ان فری ایڈیکلز بالوں کو سفید کرتے ہیں اور حیران کن طور پر آملہ اس سلسلے کو توڑ دیتا ہے۔
بازاروں میں اس کا تیل بھی مسیر ہے جو بالوں کی رنگت اور مضبوطی میں بھی معاونت کرے گا۔
کڑی پتہ اور ناریل کا تیل
ماہرین کا دعویٰ ہے کہ کڑی پتے میں اینٹی آکسائیڈنٹس، آئرن، وٹامنز اور منرلز پائے جاتے ہیں جو بالوں کی سفیدی روکنے میں اہم کردار ادا کرسکتے ہیں، شہری، کڑی پتے کے ایکسٹریکٹ کو ناریل تیل میں ملا کر بالوں پر لگائیں۔
سپلیمنٹس کا استعمال
سائنس دانوں کا ماننا ہے کہ بعض اوقات انسانی جسم میں مخصوص غذائی اجزا کی کمی سے بھی بال سفید ہونے کا مسئلہ نمودار ہوتا ہے۔ تحقیق میں کہا گیا ہے کہ وٹامن بی 12، بی 7، بی 9 اور ڈی 3 کے استعمال سے بالوں کو کئی عرصے تک لمبا، مضبوط اور صحت مند رکھا جاسکتا ہے۔
خصوصی غذائیں
کیٹالیز سے بھرپور ایسی بہت سے غذائیں ہیں جو قبل ازوقت سفیدی کو روکتی ہیں جن میں شکرقندی، گاجر، سرخ شملہ مرچ اور مشرومز سمیت دیگر شامل ہیں۔ ان میں کیٹالیز نامی انزائمے کی تعداد کافی زیادہ ہوتی ہے۔
سبز چائے پیئیں
ڈاکٹرز سبز چائے کو بالوں کی سفیدی سے بچانے کے علاوہ رنگت کے لیے بھی بہت مفید قرار دیتے ہیں، اس میں بالوں پر مرتب ہونے سے منفی اثرات کے روک تھام کی صلاحیت ہوتی ہے، سبز چائے انسانی جسم میں گردش کرنے والے مضر اثرات کے خلاف ڈھال کا کردار ادا کرے گی، اسی لیے روزانہ یہ چائے پینی چاہیے۔
کاپر سے بھرپور چاکلیٹ
اگر آپ کو قبل از وقت بالوں کی سفیدی کا سامنا ہے تو کاپر سے بھرپور غذاؤں کا استعمال کریں، ڈراک چاکلیٹ میں کاپر کی بھرپور تعداد ہوتی ہے اور اس کا بالوں سے گہرا تعلق ہے۔
بادام کا تیل
نہانے کے بعد بادام کے تیل سے سر کی مالش آپ کے بالوں کو گھنا، مضبوط اور سیاہ رکھے گی۔