میانوالی: ترجمان پنجاب پولیس نے کہا ہے کہ تھانہ مکڑوال کے پہاڑی علاقے ملاخیل میں کارروائی کے دوران 10 دہشت گردوں کو ہلاک کردیا گیا۔
پنجاب پولیس کے ترجمان نے بتایا کہ 10 سے 15 دہشت گردوں کی موجودگی کی اطلاع پرآپریشن کیا گیا، فائرنگ کے تبادلے میں 10 دہشت گرد ہلاک ہوئے، ڈی پی او اور ڈی ایس پی سرکل سمیت پولیس و ایلیٹ جوان مقابلے میں محفوظ رہے۔
ترجمان نے کہا کہ دہشت گردوں کے ناپاک عزائم کو خاک میں ملاکردم لیں گے، دہشت گردی کے ناسور کو جڑ سے ختم کرکے دم لیں گے۔
ملاخیل میں کارروائی کے بعد پنجاب پولیس کے ترجمان کا مزید کہنا تھا کہ پولیس امن دشمن عناصر کا جواں مردی سے مقابلہ کرتی رہے گی۔
