لاہور : پاکستان کی جانب سے جذبہ خیر سگالی کے تحت مزید سو بھارتی ماہی گیروں کو کل بروز پیر رہا کر دیا جائے گا، پاکستان کی جانب سے اب تک 200بھارتی ماہی گیروں کو رہا کیا جاچکا ہے۔
تفصیلات کے مطابقپاکستان کی جانب سے جذبہ خیر سگالی کے تحت مزید سو بھارتی ماہی گیروں کو کل بروز پیر رہا کر دیا جائے گا جبکہ29اپریل کو مزید بھارتی ماہی گیروں اور عام شہریوں کو رہا کیا جائے گا۔
رہائی پانے والے بھارتی ماہی گیروں کو واہگہ پاکستان رینجرز کے حکام بھارتی سکیورٹی فورس کے حوالے کریں گے، اس سے قبل پاکستان کی جانب سے جذبہ خیرسگالی کے تحت دو مراحل میں 200بھارتی ماہی گیروں کو رہا کیا جاچکا ہے۔
مزید پڑھیں: پاکستانی سمندری حدود کی خلاف ورزی ، 22 بھارتی ماہی گیر گرفتار
بھارتی ماہی گیروں کو کراچی سے لاہور ٹرین کے ذریعے لانے اور واہگہ بارڈر تک پہنچانے کے تمام تر اخراجات ایدھی فاﺅنڈیشن کی جانب سے ادا کئے گئے ہیں۔
