واشنگٹن : امریکا کی رہائشی 103 سالہ بزرگ خاتون نے سو برس کے شخص سے شادی کرکے دنیا کو حیران کردیا، یہ جوڑا گزشتہ برس سے ایک دوسرے کی محبت میں گرفتار تھا۔
تفصیلات کے مطابق امریکی ریاست اوہائیو کے دو بزرگ شہریوں نے 100 برس کی عمر میں شادی کرلی ہے، بزرگ شہری کی جانب سے عمر کے اس عرصے میں شادی کے اقدام نے سب کو حیرت زدہ کردیا ہے۔
غیر ملکی خبر رساں ادارے کا کہنا تھا کہ معمر افراد کے لیے قائم مرکز میں مقیم بزرگ شہری 1 سال سے محبت گرفتار تھے، 103 سالہ فیلس اپنے شریک حیات 100 سالہ جان کے ساتھ شادی کرکے بہت خوش ہیں۔
غیر ملکی خبر رساں ادارے کا کہنا تھا کہ دوسری جنگ عظیم میں شرکت کرنے والے جان اور اگست میں عمر کی 103 بہاریں دیکھنے والی فلیس 26 جون کو شادی کے بندھن میں بندھے تھے۔
غیر ملکی میڈیا کا کہناتھا کہ مذکورہ جوڑا 26 جون کو شادی کا لائسنس لینے عدالت گیا تھا وہاں پہنچ کر معلوم ہوا کہ وہ اسی روز شادی کے بندھن میں بندھ گئے۔
معمر خاتون کا کہنا تھا کہ حقیقت تو یہ ہے کہ ہم ایک دوسرے کی محبت میں گرفتار تھے، مجھے معلوم ہے کہ آپ کے ذہین میں یہ بات آرہی ہو گی کہ ہماری عمر کےافراد کے لیے یہ بہت تاخیر ہے تاہم پھر بھی ہمیں ایک دوسرے سے محبت ہوگئی۔
معمر شخص نے ایک سوال کے جواب میں بتایا کہ میں اور فلیس ایک دوسرے سے بہت زیادہ مطابقت رکھتے ہیں اور ہم نے محسوس کیا کہ ہم ایک دوسرے کے ساتھ خوش رہ سکتے ہیں۔
غیر ملکی میڈیا کا کہنا تھا کہ شادی شدہ بزرگ جوڑا شادی کے باوجود بھی اپنی ذات کو اہمیت دیتا ہے، فلیس اپنے اپارٹمنٹ میں رہتی ہیں اور جان کا اپارٹمنٹ ان کے اوپر ہے۔
