کراچی: صوبہ سندھ میں معمر ترین شخص کو کرونا وائرس ویکسین لگا دی گئی، مذکورہ شہری کی عمر ایک سو سال ہے۔
تفصیلات کے مطابق صوبہ سندھ میں معمر ترین شخص کو کرونا وائرس ویکسین لگا دی گئی، اسرائیل احمد مینائی نامی شہری کی عمر ایک سو سال ہے۔
محکمہ صحت کا کہنا ہے کہ اسرائیل احمد وہیل چیئر پر بیٹھ کر آغا خان اسپتال پہنچے تھے، ان کے شناختی کارڈ سے ان کی عمر کی تصدیق کی گئی۔
آغا خان اسٹاف کا کہنا ہے کہ اسرائیل احمد کہیں سے بھی سو سال کے نہیں لگے، ہمارا اندازاہ تھا کہ اسرائیل احمد کی عمر 70 سے 75 سال ہوگی۔
محکمہ صحت نے مزید بتایا ہے کہ اسرائیل احمد ڈیفنس کراچی کے رہائشی ہیں، انہیں ویکسین دینے سے قبل بلڈ پریشر، شوگر اور دیگر ٹیسٹ بھی کیے گئے تھے جس کے بعد انہیں ویکسین لگائی گئی۔
