The news is by your side.

Advertisement

بقر عید: معدے و ڈائریا کے 10 ہزار مریض اسپتال پہنچ گئے

لاہور: پنجاب کے شہر لاہور میں مختلف اسپتالوں پر عید پر قربانی کا گوشت کھانے کے بعد پیٹ کے امراض میں مبتلا مریضوں کا رش لگ گیا۔

تفصیلات کے مطابق لاہور میں عید الاضحیٰ پر معدے و ڈائریا کے 10 ہزار مریض اسپتال پہنچ گئے، یونیورسٹی آف ہیلتھ سائنسز کے وائس چانسلر کا کہنا ہے کہ عید الاضحیٰ پر معدے کی بیماریوں کی بڑی وجہ قربانی کے گوشت کو جلدی پکانا ہے۔

رپورٹس کے مطابق متاثرہ مریض آنتوں میں انفیکشن، ڈائریا، معدے کی جلن، السر اور فوڈ پوائزننگ کا شکار ہو کر اسپتال پہنچے ہیں۔

میؤ اسپتال میں 1600 مریض، جناح اسپتال میں 1500 مریض، جنرل اسپتال میں 1450، جب کہ سروسز اسپتال میں 1300 مریض رپورٹ ہوئے۔

اسی طرح گنگا رام میں 1248 مریض، شاہدرہ میں 838 مریض، میاں میر اسپتال میں 700 مریض، نوازشریف یکی گیٹ میں 700 مریض، اور کوٹ خواجہ سعید اسپتال میں 646 مریض رپورٹ ہوئے۔

Comments

یہ بھی پڑھیں