The news is by your side.

Advertisement

کروناوائرس: 105 سالہ معمر خاتون نے خوشی کا موقع ہاتھ سے نہ جانے دیا

لندن: برطانیہ میں کروناوائرس کے تیزی سے پھیلاؤ کے باوجود بلاخوف وخطر ضعیف خاتون نے اپنے جنم دن کی خوشیاں منائیں اور طویل عمر پانے کے گر بھی بتائے۔

غیرملکی خبررساں ادارے کی رپورٹ کے مطابق ’’ ایلن میتھیوس‘‘ نامی معمر خاتون نے اپنا 105واں یوم پیدائش برطانیہ کے علاقے ’نورتھمٹن‘ کے ایک قہوہ خانے میں منایا، اس دوران ان کے خاندان کے افراد بھی موجود تھے۔

کروناوائرس کے پیش نظر برطانیہ میں لاک ڈاؤن کی سی صورت حال ہے، کئی کاروباری دفاتر بند جبکہ متعدد علاقوں میں اسکول اور ریستوان بھی بند ہیں لیکن اس کے باوجود مذکورہ خاتون نے اپنے جنم دن کی خوشیاں پرتپاک انداز میں ایک قہوہ خانے میں منائیں۔ ایلن میتھیوس 17 مارچ 1915 میں پیدا ہوئیں۔

اپنی اس طویل عمر کے دوران ضعیف خاتون نے ملک کے 25 وزرائے اعظم کے تبادلوں سمیت بادشاہت کے چار ادوار بھی دیکھے۔ جبکہ جنگ عظیم اول اور دوم سے بھی گزریں۔

انہوں نے اپنی طویل عمری کا راز بتاتے ہوئے کہا ہے ہمیشہ مشکلات کا ڈٹ کر سامنا کریں اور جواں مردی سے پیش آئیں، مہلک وائرس کے خوف کو خاطر میں لائے بغیر اس انداز میں خوشیاں منانے کا پہلے سے ہی منصوبہ تیار کرلیا تھا۔

fb-share-icon0
Tweet 20

Comments

comments

یہ بھی پڑھیں