سڈنی: آسٹریلیا سے تعلق رکھنے والی گیارہ سالہ بچی نے شارک کو ریسکیو کر کے حیران کن کاررنامہ سرانجام دے دیا۔
انٹرنیٹ پر وائرل ہونے والی ویڈیو میں دیکھا جاسکتا ہے کہ گیارہ سالہ بچی سمندری تالاب میں پھنسنے والی ڈرافٹ بورڈ شارک کو پکڑ رہی ہے۔
رپورٹ کے مطابق گیارہ سالہ بچی کا نام بیلی ریا ہے جس نے تمسانیہ میں واقع کنگسٹن بیچ میں پھنسی شارک کو پکڑ کر مشکل سے بچایا۔
ویڈیو میں دیکھا جاسکتا ہے کہ بچی نے شارک پکڑنے کے بعد اپنی ماں کو آواز دی اور بتایا کہ اُس نے ڈرافٹ بورڈ شارک پکڑ لی ہے۔ماں نے بچی کی آواز سُن کر کہا کہ اگر یہ شارک ہے تو تم محتاط ہوجاؤ۔
ماں اور بیٹی نے شارک کو پکڑ کر اسے دوبارہ پانی میں چھوڑا۔
انٹرنیٹ پر ویڈیو وائرل ہوئی تو صارفین نے دونوں کے لیے تعریفی کلمات ادا کیے۔
خبررساں ادارے کی رپورٹ کے مطابق گیارہ سالہ لڑکی نہ صرف مچھلیوں کے شکار کی شوقین ہے بلکہ وہ چھوٹی مچھلیاں شوق سے کھاتی بھی ہے۔
ریا کی والدہ ابے گلبرٹ کا کہنا تھا کہ ’جب میں وہاں پر پہنچی تو دیکھ کر خوفزدہ ہوگئی تھی کیونکہ یہ شارک تھی اور مجھے ڈر تھا کہ کہیں یہ بیٹی کو نقصان نہ پہنچا دے‘۔
A 11-year-old girl rescues a trapped draughtboard shark and guides it to sea in Tasmania pic.twitter.com/MY5c3aq0nV
— Reuters (@Reuters) November 24, 2020
اُن کا کہنا تھا کہ مجھے سب سے زیادہ پریشانی اور خوف اس بات کا تھاکہ ریا نے شارک کو ہاتھوں میں اٹھایا ہوا تھا اور وہ مجھے دکھا رہی تھی۔