تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

حق وسچ کی فتح: ہیڈ آف نیوز اے آر وائی عماد یوسف کے خلاف کیس ختم، الزامات سے بری

 کراچی: حق وسچ کی فتح، عدالت نے اے آر وائی نیوز کے ہیڈ عماد یوسف کو الزامات سے بری کرتے ہوئے ان پر عائد کیس ختم کردیا۔

تفصیلات کے مطابق اے آر وائی نیوز ہیڈ عماد یوسف کو ملیر کورٹ میں پیش کیا گیا،عماد یوسف کو مجرمان کی طرح بکتربند میں لایا گیا۔

پیشی کے موقع پر پولیس کی جانب سے عماد یوسف کے وکیل اور اہل خانہ کو ملنے نہیں دیا گیا بعد ازاں وکیل نعیم قریشی کے احتجاج پر انہیں عماد یوسف سے ملاقات کی اجازت دی گئی۔سماعت کے آغاز پر پولیس کی جانب سے ریمانڈ کی استدعا کی گئی جس پر ان کے وکیل نعیم قریشی نے مخالفت کرتے ہوئے موقف اپنایا کہ عماد یوسف کیخلاف مقدمہ بےبنیاد ہے، بتایاجائے کہ عماد یوسف کا کیا کردارہے؟

نعیم قریشی ایڈووکیٹ کا موقف تھا کہ ٹی وی چینل کی نشریات کی شکایت ہے تو پیمرا کومدعی ہونا چاہیے تھا، عدالت میں پیش مواد میں عماد یوسف کے خلاف الزامات کا کوئی ثبوت نہیں۔

وکیل کی جانب سے بتایا گیا کہ ایک ہی واقعے کی دو ایف آئی آر درج ہوئیں، نعیم قریشی نے اسلام آباد میں درج ایف آئی آر عدالت میں بھی پڑھ کر سنائی۔بعد ازاں عدالت نے پولیس کی استدعا مسترد کی اور اے آروائی کے ہیڈ آف نیوزعماد یوسف کی ضمانت منظور کرلی۔

عدالت نے اپنے مختصر حکم نامے میں کہا کہ عماد یوسف کو تمام الزامات سے بری کیا جاتا ہے، عدالت نے کہا کہ ان کے خلاف کیس ختم کیا جائے۔

عدالت سے کیس ختم ہونے پر عماد یوسف نے خدا کا شکر بجالاتے ہوئے کہا کہ مشکل وقت میں اےآروائی نیوزکو سپورٹ کرنے والوں کا شکریہ ادا کرتا ہوں۔

الزامات سے بری ہونے پر اےآروائی کے ہیڈ آف نیوزعماد یوسف نے وکٹری کا نشان بنایا۔

Comments

- Advertisement -