The news is by your side.

Advertisement

پنجاب کے بجٹ میں پولیس کے لیے115 ارب روپے سے زائد رقم مختص

لاہور: پنجاب کے بجٹ میں پنجاب پولیس کے لیے 115 ارب سے زائد رقم مختص کی گئی ہے،گزشتہ سال پنجاب پولیس کا بجٹ 112 ارب روپے تھا۔

تفصیلات کے مطابق رواں سال پنجاب پولیس کے لیے صوبائی بجٹ میں 3 ارب اضافی مختص کیے گئے ہیں، پولیس کا بجٹ 115 ارب سے زائد رکھا گیا ہے۔

پنجاب پولیس نے رواں مالی سال میں 129 ارب روپے مانگے تھے، لیکن بجٹ میں صرف تین ارب کا اضافہ کیا گیا، رواں مالی سال میں محکمہ جیل خانہ جات کا بجٹ ساڑھے 10 ارب روپے مختص کیا گیا ہے۔

پنجاب بجٹ 2019: بجٹ کی تفصیلات یہاں ملاحظہ کریں

محکمہ جیل خانہ جات کو ڈیڑھ ارب روپے اضافی ملے، پچھلے سال محکمہ جیل خانہ جات کے پاس ساڑھے 8 ارب کا بجٹ تھا۔

پولیس لائنز اور دفاتر کے لیے 2 نئی اسکیمیں شروع کی جائیں گی، دفاتر، پولیس لائنز و دیگر منصوبوں کے لیے 1 ارب 91 لاکھ مختص کیے گئے ہیں، رہایش گاہوں کی نئی اسکیم کے لیے صرف ایک کروڑ روپے مختص کیے گئے ہیں۔

پنجاب پولیس ملازمین کی رہایش کے لیے صرف ایک نئی سکیم شروع ہوگی، جس کے لیے 11 کروڑ 84 لاکھ روپے مختص کیے گئے، جب کہ دفاتر اور پولیس لائنز کی 2 نئی اسکیموں کے لیے 2 کروڑ 10 لاکھ روپے مختص کیے گئے ہیں۔

پنجاب پولیس کا مجموعی ترقیاتی بجٹ 2 ارب 6 کروڑ روپے رکھا گیا ہے۔

Comments

comments

یہ بھی پڑھیں