راولپنڈی : کسٹم حکام نے بینظیر انٹرنیشنل ایئر پورٹ پر کارروائی کرتے ہوئے مسافر کے سامان سے بارہ کلو ہیروئن برآمد کر لی.
تفصیلات کےمطابق کسٹم حکام نے بینظیر انٹرنیشنل ایئر پورٹ سے لندن جانے والے مسافر کے سامان کی تلاشی لی جس میں سے بارہ کلو ہیروئن برآمد ہوئی،واقعے کے بعد ملزم کو گرفتار کر کے تفتیش کےلیے نامعلوم مقام پر منتقل کر دیا گیا ہے تاہم ملزم کی شاخت کے بارے میں نہیں بتایا گیا.
ذرائع کا کہنا ہے کہ مسافر پی آئی اے کی پرواز 785 پر لند ن جا رہا تھا جس نے کپڑوں اور دیگر سامان میں بارہ کلو وزنی ہیروئن چھپا رکھی تھی جس کی مالیت کروڑوں روپے میں ہے.
