گوجرانوالہ کے سیٹلائٹ ٹاؤن میں 12 سالہ لڑکے نے غیرت کے نام پر گھر میں فائرنگ کر کے ماں کو قتل کر دیا۔
کم لڑکے ساول سلیم کی فائرنگ سے گھر میں موجود خالہ بھی شدید زخمی ہوئیں جنہیں فوری طور پر اسپتال منتقل کر دیا گیا۔
پولیس نے موقع پر پہنچ کر ملزم ساول سلیم کو حراست میں لے لیا۔ پولیس کا کہنا ہے کہ مقتولہ بہن کے ساتھ گھر سے نکلی ہی تھی بیٹے نے فائرنگ کر دی۔
بیٹے نے پولیس کو اپنے بیان میں اعتراف جرم کرتے ہوئے بتایا کہ ماں کے کردار پر شک تھا اس لیے قتل کیا۔
پولیس کا کہنا ہے کہ ابتدائی تحقیقات کے مطابق ملزم نے ماں کو غیرت کے نام پر قتل کیا، ملزم کے والدین میں علیحدگی ہو چکی تھی تاہم لڑکا اپنے باپ کے پاس رہتا تھا۔
ملزم کے والد کی گرفتاری کے لیے چھاپے مارے جا رہے ہیں۔
