اسلام آباد : اسلام آباد ایئرپورٹ پر عمرے ویزے کی آڑ میں 13مسافروں کی لیبیااوراٹلی اسمگلنگ کی کوشش ناکام بنادی گئی۔
تفصیلات کے مطابق ایف آئی اے امیگریشن نے اسلام آباد ایئرپورٹ پر کارروائی کرتے ہوئے عمرے ویزے کی آڑ میں 13مسافروں کی لیبیا اور اٹلی اسمگلنگ کی کوشش ناکام بنادی۔
ترجمان نے بتایا کہ سہولت کار اسد اقبال کو 13مسافروں سمیت گرفتارکرلیاگیا، تفتیش کےدوران مسافروں کے موبائل سے ایجنٹوں سے رابطے کے ثبوت برآمد کرلیا۔
ایف آئی اے کا کہنا تھا کہ مسافروں نے سعودی عرب سے لیبیا اور اٹلی جانے کی کوشش کرنا تھی، مسافروں کا تعلق پشاور، اٹک اور سیالکوٹ سے ہے، مسافرسمیر قیوم نامی مرکزی ایجنٹ سے رابطے میں تھے۔
