ویبھوو سوریاونشی جو صرف 13سالہ کرکٹر ہیں انھیں راجھستان رائلز کی ٹیم کا حصہ بنانے پر راہول ڈریوڈ نے اظہار خیال کیا ہے۔
سعودی عرب میں ہونے والے آکشن میں 13 سالہ ویبھوو کم عمر ترین کھلاڑی بن گئے جنھیں آئی پی ایل کی نیلامی میں خریدا گیا، فنچائز نے ان کے لیے 1.1 کروڑ بھارتی روپے ادا کیے، جہاں بڑے بڑے نام آئی پی ایل آکشن میں نیلام نہ ہوکسے وہیں اس ننھے کرکٹر پر قسمت کی دیوی مہربان رہی۔
راجھستان رائلز کے کوچ راہول ڈریوڈ نے کہا کہ بہار کے سمستی پور سے تعلق رکھنے والا آٹھویں جماعت کا طالب علم رائلز کے ٹرائلز میں آیا تھا۔
فرنچائز نے نیلامی میں اس کو خریدنے کا فیصلہ کیا، مجھے لگتا ہے کہ اس (سوریاونشی) کے پاس واقعی بہترین ٹیلنٹ موجود ہے، اس لیے ہم نے سوچا کہ اسے ایک اچھا ماحول ملے گا۔
راجستھان رائلز نے سوریاونشی کو ایک کروڑ 10 لاکھ بھارتی روپے میں خریدا، جس کے بعد سوریاونشی آئی پی ایل کی تاریخ میں کسی بھی ٹیم کی جانب سے خریدے جانے والے کم عمر ترین کھلاڑی بن گئے۔
آئی پی ایل 2025 اس ایونٹ کا 18 واں ایڈیشن ہے جو اگلے سال مارچ سے مئی کے درمیان کھیلا جائے گا جہاں 10 ٹیمیں ایک دوسرے کے خلاف صف آرا نظر آئیں گی
خیال رہے کہ جدہ میں ہونے والی آئی پی ایل کی میگا نیلامی میں لکھنؤ سپر جائنٹس نے رشبھ پنت کو 27 کروڑ بھارتی روپے میں خریدا تھا، بھارتی وکٹ کیپر بیٹر رشبھ پنت آئی پی ایل کی تاریخ کے سب سے مہنگے کھلاڑی بن چکے ہیں۔
