The news is by your side.

Advertisement

وزیراعظم عمران خان آج حافظ آباد کا دورہ کرینگے

حافظ آباد: وزیر اعظم پاکستان عمران خان عوامی رابطہ مہم کے سلسلے میں آج حافظ آباد کا دورہ کریں گے جہاں وہ مختلف منصوبوں کا افتتاح کریں گے۔

اے آر وائی نیوز کے مطابق تحریک انصاف کی عوامی رابطہ مہم کے تحت وزیراعظم عمران خان آج حافظ آباد کا دورہ کرینگے،اپنے دورے میں وہ گوجرانوالہ حافظ آباد،کوٹ سرور روڑ اور نئے ڈی ایچ کیو ہسپتال کا سنگ بنیاد رکھیں گے۔

چوہتر کلو میٹر حافظ آباد،گوجرانوالہ دو رویہ سڑک پر 9.748 ارب لاگت آئیگی جبکہ چار سو بیڈ کے نئے ڈی ایچ کیو ہسپتال کی تعمیر پر 9.795 ارب لاگت آئےگی، حکومت کی جانب سے حافظ آباد کے لیے 30 ارب روپے کا میگا ترقیاتی پیکج دیا گیا ہے۔

اپنے دورے میں وزیر اعظم پاکستان حافظ آباد کے لیے مزید نئے منصوبوں کا بھی اعلان کرینگے، وزیر اعلیٰ پنجاب سردار عثمان بزدار بھی وزیر اعظم کے ساتھ ہونگے۔

وزیر اعظم اور وزیر اعلیٰ پنجاب میونسپل کرکٹ اسٹیڈیم میں عوامی اجتماع سے خطاب بھی کرینگے، وزیراعظم کی آمد کے موقع پر شہر بھر میں پارٹی پرچم اور تشہیری بینرز آویزاں کر دیئے گے ہیں۔

دوسری جانب جلسے کے پیش نظر ضلعی انتظامیہ متحرک ہوچکی ہے، صفائی ستھرائی کے ساتھ ساتھ اسٹیڈیم کے اطراف تزئین و آرائش کا کام بھی جاری ہے جبکہ عرصہ دراز سے ٹوٹی پھوٹی سڑکوں کو بھی مرمت کیا جا رہا ہے۔

Comments

یہ بھی پڑھیں