کوئٹہ : بلوچستان کی 14 رکنی کابینہ اتوار کو حلف اٹھائے گی ، اٹھارویں ترمیم کے بعد کابینہ میں14 وزیر ہوں گے، تمام اتحادیوں سے مشاورت کرلی گئی ہے۔

تفصیلات کے مطابق رکن صوبائی اسمبلی اور بلوچستان عوامی پارٹی کے ترجمان سردار عبدالرحمان کھیتران نے اپنے بیان میں کہا ہے کہ بلوچستان کی14رکنی کابینہ اتوارکوحلف اٹھائےگی، اٹھارویں ترمیم کےبعدکابینہ میں14وزیرہوں گے۔

ترجمان بی اے پی کا کہنا تھا کہ بلوچستان کابینہ میں5مشیربھی شامل ہوں گے، مشیروں کا نوٹیفکیشن بھی اسی روز جاری ہوگا۔

عبدالرحمان کھیتران نے مزید کہا تمام اتحادیوں سےمشاورت کرلی گئی ہے، تمام معاملات خوش اسلوبی سےطےہوگئےہیں، وزیراعلیٰ اور اسپیکر کی طرح کابینہ کا معاملہ بھی خوش اسلوبی سے طے پائے گا۔

یاد رہے جان محمد جمالی دوسری بار اسپیکر بلوچستان اور میر عبدالقدوس دوسری بار وزیراعلیٰ بلوچستان منصب پر فائز ہوئے تھے۔