لاہور : شادمان تھانے کو جلانے کے مقدمہ میں 14 شرپسندوں کی شناخت ہو گئی، ملزمان پر تھانہ شادمان کی بلڈنگ جلانے کا الزام ہے۔
تفصیلات کے مطابق لاہور کی انسداد دہشت گردی عدالت میں جلاؤ گھیراؤ اور املاک کو نقصان پہنچانے کے کیس کی سماعت ہوئی۔
تفتیشی افسر نے 22 ملزمان کو شناخت پریڈ کے بعد عدالت میں پیش کیا ، تفتیشی افسر نے عدالت کو بتایا کہ 22 ملزمان میں سے 14 کی شناخت ہو گئی ہے۔
- Advertisement -
تفتیشی افسر کے مطابق ملزمان پر تھانہ شادمان کی بلڈنگ جلانےکا الزام ہے، علی حسن ،ارباب زمان اور محمد ادریس سمیت 14 پی ٹی آئی کارکنان کی شناخت ہوئی۔
تفتیشی افسر کا کہنا تھا کہ 8 ملزمان کی شناخت نہیں ہو سکی، عدالت نے شناخت نہ ہونے والے 8 ملزمان کو ڈسچارج کر دیا۔
