The news is by your side.

Advertisement

کنویں سے خطرناک چیز برآمد، ویڈیو وائرل

نئی دہلی: بھارت میں ایک کنویں سے 15 چھوٹے کوبرا سانپوں کو ریسکیو کرنے کے بعد جنگل میں چھوڑ دیا گیا۔

بھارتی میڈیا رپورٹس کے مطابق گنجام ضلع کے شہر براہم پور میں ایک خاتون نے کنویں میں کچھ سانپ دیکھنے کے بعد ریسکیو اداروں کو مطلع کیا جس کے بعد جب کنویں سے سانپوں کو نکالا گیا تو معلوم ہوا کہ یہ ایک دو نہیں بلکہ 15 چھوٹے کوبرا سانپ تھے۔

محکمہ جنگلات کے حکام کے مطابق یہ ایک ماہ کے دوران دوسرا واقعہ ہے اس سے قبل اوڈیشا میں ایک خاتون نے 8 فٹ لمبے کوبرا سانپ کو گھر کے قریب دیکھا تھا جسے ریسکیو کرلیا گیا تھا۔

رپورٹ کے مطابق والدین نے دو سالہ بچے کے قریب سانپ کو رینگتے ہوئے دیکھا تھا، منڈا نامی شہری نے بیٹے کو پکڑ کر کھڑکی سے باہر چھلانگ لگادی تھی۔

مذکورہ شخص کا کہنا تھا کہ جیسے ہی میں نے دیکھا کہ بچے کی طرف کوبرا رینگتا ہوا آرہا ہے میں نے بچے کو پکڑ لیا اور حکام کو فون کرنے کے لیے کھڑکی سے کود پڑا۔

سشمیتا نامی خاتون نے بتایا کہ میں اور میرے شوہر گاؤں گئے یہ پہلا موقع تھا جب میں نے کسی گھر کے اندر کوبرا سانپ دیکھا تھا، انہوں نے محکمہ جنگلات اور رینج آفیسر کا شکریہ ادا کیا جنہوں نے اس صورت حال میں ان کی مدد کی تھی۔

Comments

یہ بھی پڑھیں