آکلینڈ : نیوزی لینڈ کے خلاف پہلے ٹی ٹوئنٹی میچ کےلیے پاکستان کی پندرہ رکنی قومی کرکٹ ٹیم کا اعلان کردیا گیا۔
تفصیلات کے مطابق کیویز کے خلاف کھیلے جانے والے ٹی ٹوئنٹی میچ کےلیے 15 رکنی قومی کرکٹ ٹیم کا اعلان کردیا گیا، اعلان کپتان شاداب خان نے کیا۔
ٹی 20 میچ کےلیے قومی اسکواڈ میں کپتان شاداب خان، عبداللہ شفیق، حیدر علی اور سرفراز احمد شامل ہیں۔
محمد حفیظ ،فہیم اشرف، حارث رؤف، افتخار احمد، عماد وسیم، خوشدل شاہ، محمد حسنین، شاہین آفریدی، حسین طلعت، وہاب ریاض، محمد رضوان بھی 15 رکنی ٹیم کا حصہ ہیں۔
شاداب خان کا کہنا ہے کہ قوانین کی وجہ سے 17 رکنی اسکواڈ ساتھ رکھنے کی اجازت ہے، اسی لیے موسیٰ خان اور عثمان قادر کو ضرورت پڑنے پر استعمال کرسکتے ہیں۔
انہوں نے کہا کہ پاکستان کے لیے پہلی مرتبہ قیادت کررہا ہوں جو میرے لیے اعزاز کی بات ہے لیکن بابر اعظم کی کمی ضرور محسوس ہوگی۔
کپتان قومی کرکٹ ٹیم نے کہا کہ بابراعظم کی طرح جارحانہ کپتانی کرنے کا عادی ہوں۔
شاداب خان کا کہنا تھا کہ ایڈن پارک میں کھیلنے کا تجربہ ہے، یہاں باؤنڈریز چھوٹی ہیں، تماشائیوں کی موجودگی میں دوبارہ کھیلنے کے منتظر ہیں۔
Squad for the first #NZvPAK T20I:
Shadab Khan (c)
Abdullah Shafique
Faheem Ashraf
Haider Ali
Haris Rauf
Hussain Talat
Iftikhar Ahmed
Imad Wasim
Khushdil Shah
Mohammad Hafeez
Mohammad Hasnain
Mohammad Rizwan
Sarfaraz Ahmed
Shaheen Shah Afridi
Wahab Riaz#backtheboysingreen pic.twitter.com/sL9Abp9GPV
— Pakistan Cricket (@TheRealPCB) December 17, 2020
خیال رہے کہ پاکستانی ٹیم ٹی 20 سیریز کا پہلا میچ 18 دسمبر کو نیوزی لینڈ کے خلاف کھیلے گی۔