کراچی : کشمیریوں سے بھرپور یکجہتی کیلئے کراچی میں 157 ٹریفک سگنلز کو 12بجے بند کر دیا جائےگا جبکہ جہاں سگنلزموجودنہیں وہاں بھی ٹریفک معطل ہوگی ، ٹریفک اہلکار اور پولیس کے اہلکار بھی یکجہتی کا اظہار کریں گے۔
تفصیلات کے مطابق کراچی میں کشمیریوں سےاظہاریکجہتی کیلئے ریلیوں اورمظاہروں کیلئے انتظامات مکمل کرلئے گئے ، کراچی میں157 ٹریفک سگنلز کو 12بجے بند کر دیا جائےگا، انٹرسیکشنز مخصوص وقت کےلیےبندکیےجائیں گے۔
شہرقائد میں جہاں سگنلزموجودنہیں وہاں بھی ٹریفک معطل ہوگی ، پانچ ہزار سے زائدٹریفک اہلکار ڈیوٹی کیساتھ کشمیریوں سےاظہاریکجہتی کریں گے جبکہ 15 ہزار سے زائد کراچی پولیس کے اہلکار سڑکوں پر ہوں گے، قانون نافذ کرنےوالےاداروں کے اہلکار بھی کشمیریوں سے یکجہتی کریں گے۔
ٹریفک میٹروپول،تین تلوار،شاہین کمپلیکس ،اسٹار گیٹ،اسٹیڈیم روڈ،راشدمنہاس روڈ ، ٹاور،ایم اےجناح روڈگرومندر پرٹریفک معطل کی جائےگی جبکہ گلشن چورنگی، ناگن، فائیواسٹار،سائٹ ایریامیں بھی اظہار یکجہتی کیاجائے گا۔
کراچی کے109 پولیس اسٹیشنزکی نفری کھلے مقام پر آجائےگی اور آئی جی سندھ کے احکامات پر کشمیرسے اظہار یکجہتی کی جائیگی۔آئی جی سندھ نے پولیس اہلکاروں کو پاکستانی اور کشمیری جھنڈے لہرانے کے احکامات کے ساتھ ساتھ امام مسجد صاحب سے کشمیری بھائیوں سے اظہار یکجہتی کے لیے بیان دلوائیں۔
مزید پڑھیں : نکلو کشمیر کی خاطر: آج وزیر اعظم کی اپیل پر قوم یک زبان ہوگی
خیال رہے وزیراعظم پاکستان کے اعلان پر آج دن بارہ سے ساڑھے بارہ بجے تک کراچی سے خیبر، بولان سے بلتستان، پوری قوم یک جان ہوگی اور کشمیریوں سے اظہار یکجہتی کا پیغام دنیا بھر میں پہنچائے گی۔
بارہ بجے سائرن بجیں گے، قومی ترانے کے بعد کشمیر کا ترانہ بھی پڑھا جائے گا، اسلام آباد کے تمام ٹریفک سگنل آدھے گھنٹے تک سرخ رہیں گے ٹریفک رُکی رہے گی، سگنلز اور شاہراہوں پر کشمیریوں سے اظہاریکجہتی کے لیے مظاہرہ کیا جائےگا۔
مرکزی اجتماع ڈی چوک پر ہوگا، سرکاری دفتروں کاعملہ جمع ہو کر اظہاریکجہتی کرےگا، پی ٹی آئی کے وزرا اورمقامی قائدین بھی ڈی چوک پر جمع ہوں گے۔
