نائیجیریا میں پیش آنے والے خوفناک بس حادثے کے نتیجے میں 16 افراد لقمہ اجل بن گئے، حادثہ ملک کے جنوب مشرقی صوبے ‘اینوگو’ میں پیش آیا ہے۔
بین الاقوامی خبر رساں ادارے کی رپورٹ کے مطابق پولیس ذرائع کا کہنا ہے کہ حادثہ تیز رفتاری کے باعث پیش آیا، بے قابو مسافر بس دیوار سے ٹکرا گئی اور حادثے میں 16 مسافر زندگی کی بازی ہار گئے جبکہ متعدد زخمی ہوگئے۔
پولیس ترجمان کے مطابق خوفناک حادثے میں زخمی ہونے والوں میں سے بعض کی حالت تشویش ہے، جس سے اموات میں اضافے کا خدشہ ہے۔
اس سے قبل نائیجیریا کے شہر میدوگوری میں خوفناک ٹریفک حادثے پیش آیا تھا جس کے نتیجے میں 37 افراد ہلاک ہوگئے تھے۔
لندن ریلوے اسٹیشن کے باہر جنونی شخص کا تلوار سے حملہ، متعدد زخمی
غیر ملکی میڈیا کے مطابق میدوگوری میں پہلے دو مسافر بسیں آپس میں ٹکرائیں اور پھر تیسری تیز رفتار بس بھی ان میں جا گھسی۔ حادثے میں 37 افراد ہلاک اور متعدد زخمی ہوگئے تھے۔
