جکارتہ : انڈونیشیا میں سولہ سالہ لڑکے نے دادی کی عمر کی خاتون سے شادی کرکے لوگوں کو حیران کردیا، اجازت نہ ملنے پر دونوں نے خودکشی کی دھمکی بھی دی تھی۔
انڈونیشیا کے علاقے سماٹرا میں انوکھی شادی ہوئی ، جہاں دلہا کی عمر صرف سولہ سال جبکہ دلہن کی عمر ستر سال سے بھی زیادہ تھی۔
نوجوان دولہے کی عمر 16 سال ہے اور قانونی طور پر اسے شادی کرنے کا حق نہیں ہے، جب گاؤں کے لوگوں اور حکام کی جانب سے مقامی قوانین اور روایات کے برعکس ہونے والی شادی کو روکنے کی کوشش کی گئی تو دولہا اور دلہن نے خودکشی کی دھمکی دھمکی دیدی۔
حکام نےشادی کی اجازت تو دے دی لیکن اس شادی کو رجسٹر نہیں کیا گیا۔
خیال رہے کہ سترسال کی خاتون سولہ سال کے لڑکے کی بیماری میں دیکھ بھال کے لیے رکھی گئی تھیں ، لڑکے کو خاتون کی تیمارداری نے ایسا متاثرکیا کہ شادی ہی کر بیٹھا۔
واضح رہے کہ انڈونیشیا قانون کے مطابق شادی کے لیے خواتین کی عمر 16 سال اور مردوں کی عمر 19 سال ہونی چاہیے۔
