مقبوضہ مغربی کنارے میں اسرائیلی فورسز کی وحشیانہ کارروائیاں نہیں رکیں، صیہونی فوجیوں نے فائرنگ کر کے سترہ سالہ فلسطینی لڑکا کو شہید کر دیا۔
فلسطینی وزارت صحت کے مطابق 17 سالہ محمودکو نابلس شہر کے شمال میں واقع الفارع پناہ گزین کیمپ میں نشانہ بنایا گیا، اس کی موت سر میں گولیاں لگنے سے ہوئی۔
مقبوضہ مغربی کنارے میں اسرائیلی فوج کی فائرنگ سے رواں برس اب تک سینتالیس فلسطینی شہید ہوچکے ہیں۔
اسرائیل نے فلسطین کے مغربی کنارے پر انیس سو سڑسٹھ میں قبضہ کیا تھا۔تب سے اب تک اسرائیل کی فلسطین میں جارحانہ کارروائیوں کا نہ رکنے والا سلسلہ جاری ہے۔
