The news is by your side.

Advertisement

سندھ میں 24گھنٹوں کے دوران کرونا کے1744 نئے کیسز رپورٹ

کراچی: صوبہ سندھ میں گزشتہ چوبیس گھنٹوں کے دوران کرونا وائرس کے 1744 تصدیق شدہ کیسز رپورٹ ہوگئے۔

تفصیلات کے مطابق وزیراعلیٰ سندھ مراد علی شاہ نے کرونا وائرس کی صورت حال پر اپنے پیغام میں کہا کہ سندھ میں گزشتہ 24 گھنٹوں کے دوران 1744 کیسز سامنے آنا تشویش ناک ہے،24 گھنٹوں کے دوران مزید 16 مریض انتقال کر گئے جس کے بعد ہلاکتوں کی تعداد 650 ہوگئی ہیں۔

انہوں نے بتایا کہ سندھ میں 24گھنٹوں کے دوران 8119 ٹیسٹ کیے گئے،صوبےمیں اب تک 2 لاکھ سے زائد کرونا ٹیسٹ کیے گئے ہیں،اس وقت سندھ میں 37 ہزار سے زائد مریض زیرعلاج ہیں۔

مراد علی شاہ کا کہنا تھا کہ سندھ میں کرونا سے414 مریض کی حالت تشویش ناک ہے،67 وینٹی لیٹرز پر ہیں،24 گھنٹوں کے دوران کرونا سے 511 مریض صحت یاب ہوئے۔

وزیراعلیٰ سندھ نے کہا کہ سندھ میں اس وقت 18682 مریض زیر علاج ہیں،جن میں سے 17257مریض گھروں میں آئسولیٹ ہیں،63 مریض آئسولیشن سینٹرز میں زیر علاج ہیں،1362 مریض مختلف اسپتالوں میں داخل ہیں۔

پاکستان میں کرونا کیسز کا گراف مزید بلند، دنیا کا 15 واں ملک بن گیا

واضح رہے کہ پاکستان میں کرونا وائرس کی وبا سے اموات کے ساتھ ساتھ نئے کیسز کی شرح میں بھی خوف ناک حد تک اضافہ ہو گیا ہے، گزشتہ چوبیس گھنٹوں کے دوران ملک بھر میں مزید 67 افراد کرونا انفیکشن کا شکار ہو کر جاں بحق ہو گئے جبکہ 4,960 نئے کیسز سامنے آئے۔

Comments

یہ بھی پڑھیں