The news is by your side.

Advertisement

دبئی: کنڈرگارٹن میں ہولناک آتشزدگی، 176 بچوں کو بچالیا

دبئی : راس الخیمہ میں واقع الورود کنڈرگارٹن میں ہولناک آتشزدگی، سول ڈیفینس کے اہلکاروں کی بروقت کارروائی کے نتیجے میں تمام بچوں کو بحفاظت باہر نکالیا۔

تفصیلات کے مطابق متحدہ عرب امارات کے شہر راس الخیمہ میں واقعہ ال ورود کنڈرگارٹن کی عمارت میں اچانک ہولناک آگ بھڑک اٹھی۔ تاہم آتشزدگی کے نتیجے میں کوئی جانی نقصان نہیں ہوا۔

الورود میں پیش آنے والے آتش زدگی کے سانحے میں ہنگامی خدمات انجام دینے والے عملے نے 176 کمسن بچوں کو باحفاظت عمارت سے باہر نکال لیا۔

غیر ملکی خبر رساں اداروں کا کہنا تھا کہ آتشزدگی کی اطلاع ملتے ہی راس الخیمہ کے سیکیورٹی اہلکار، طبی امداد کا عملہ اور ہنگامی خدمات انجام دینے والے اہلکاروں نے فوری طور پر جائے وقوعہ پر پہنچ کر 20 اساتذہ، 5 افراد پر مشتمل صفائی کرنے والا عملہ اور اسکول کے دو محافظوں سمیت تمام بچوں کو بچالیا گیا۔

راس الخیمہ سول ڈیفینس کے ڈپتی ڈائریکٹر کرنل الی المحبوبی کا کہنا ہے کہ ہنگامی سول ڈیفینس کے اہلکاروں نے پانی اور آگ پر قابو پانے مواد کے ذریعے آتشزدگی پر قابو پایا اور دھواں کھیچنے والی مشین کا استعمال کرتے ہوئے فوری طور پر دھواں بھی ختم کردیا ہے۔

ان کا کہنا تھا کہ آتشزدگی کے نتیجے میں اسکول کے عملے یا بچوں میں کسی کے بھی زخمی ہونے کی اطلاعات نہیں ہیں۔ البتہ آگ لگنے کی وجوہات جاننے کےلیے کیس پولیس کے حوالے کردیا گیا ہے۔


شارجہ میں آتشزدگی‘ دو بچوں سمیت پانچ افراد جاں بحق


یاد رہے کہ رواں برس فروری میں متحدہ عرب امارات کے شہر شارجہ میں واقعہ ال بتینا نامی عمارت کی پہلی منزل پر پیش آنے والے آتشزدگی کے سانحے میں ایک پاکستانی خاتون‘ ایک بھارتی مرد اور ایک عرب خاتون اپنے دو بچوں کے ہمراہ دم گھٹنے سے ہلاک ہوگئے تھے جبکہ آٹھ افراد کو دم گھٹ کے سبب نازک حالت میں کویت اسپتال منتقل کیا گیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں