The news is by your side.

شدید برفباری سے 19 اموات، مری آفت زدہ قرار ، پاک فوج طلب

مری : مری کو شدید برفباری اور سیاحوں کے پھنسے ہونے سے خراب صورتحال کے باعث آفت زدہ قرار دیتے ہوئے ایمرجنسی نافذ کردی اور پاک فوج طلب کرلی گئی، مری میں اب تک 16سے 19 اموات ہوئی ہیں۔

تفصیلات کے مطابق شدید برفباری اور سیاحوں کے رش کے باعث صورتحال خراب ہونے کے باعث مری کو آفت زدہ قرار دے دیا گیا اور ایمرجنسی نافذ کردی گئی۔

اس حوالے سے وزیرداخلہ شیخ رشید نے کہا ہے کہ مری اورگلیات میں بڑی تعدادمیں سیاح آچکے ہیں، کوشش کےباوجوددراستےنہیں کھولے جاسکے تاہم سیاحوں کے انخلا کیلئے سول آرمڈ فورسز کی مدد طلب کرلی ہے، پاک فوج کے 5پیدل پلاٹون طلب کئے گئے ہیں۔

شیخ رشید کا کہنا تھا کہ مری میں سیاحوں کی گاڑیوں کے داخلہ پر پابندی ہے، مری میں موسم کی خراب صورتحال کے باعث 16سے 19 اموات ہوئی ہیں ، ہنگامی بنیادوں پر ایف سی اور رینجرز کو بھی طلب کرلیا۔

وفاقی وزیر نے کہا کہ رات سے ایک ہزار گاڑیاں مری میں پھنسی ہوئی ہیں، مری میں پیدل جانے والوں کا داخلہ بھی بند کررہے ہیں، کچھ پھنسی گاڑیوں کو نکال لیا ہے اور کچھ واپس بھیج دی ہیں۔

ان کا کہنا تھا کہ پہلی بار15سے20سال بعدسیاح بڑی تعداد میں مری پہنچے، سیاحوں کی بڑی تعداد کے مری پہنچنے سے بحران پیدا ہوا، ایک ہزار گاڑیاں پھنسی ہوئی ہیں انہیں نکالا جارہا ہے، ہم سے غلطی ہوئی گاڑیوں کا داخلہ پہلے ہی روک دینا چاہیے تھا۔

دوسری جانب وزیراعلیٰ پنجاب نے مری میں ریسکیوآپریشن مزیدتیزکرنےکاحکم دیتے ہوئے کہا ہے کہ پھنسےلوگوں کوبحفاظت نکالنےکیلئے ریسکیو آپریشن تیز کیاجائے اور سیاحوں کی مدد کیلئےتمام وسائل بروئے کار لائے جائیں گے۔

عثمان بزدار نے راولپنڈی اوردیگر شہروں سے اضافی مشینری اورعملہ مری بھجوانے کی ہدایت کردی ہے۔

دوسری جانب ڈپٹی کمشنرایبٹ آباد نے کہا ہے کہ سیاحوں کی7ہزارگاڑیوں کوریسکیوکرلیاگیا ، مری روڈاورلینڈسلائیڈکی کلیئرنس پرکام جاری ہے ، سیاح گلیات کی جانب سفر سے اجتناب کریں۔

Comments

یہ بھی پڑھیں