جمعرات, مئی 23, 2024
اشتہار

یوپی میں شدید بارشیں، 19 افراد جان سے گئے

اشتہار

حیرت انگیز

یوپی میں ہونے والی شدید بارشوں کے باعث نظام زندگی برہم ہوگیا ہے، جبکہ 24 گھنٹوں کے دوران شدید بارشوں کے نتیجے میں 19 افراد اپنی زندگیوں سے محروم ہوگئے۔

بین الاقوامی خبر رساں ادارے کی رپورٹ کے مطابق یوپی میں شدید بارشوں کے باعث شہریوں کی مشکلات بڑھ گئی ہیں، جبکہ 19 افراد لقمہ اجل بن چکے ہیں۔

اطلاعات کے مطابق مختلف علاقے سیلابی پانی میں ڈوبے ہوئے ہیں، جبکہ راجدھانی لکھنؤ سمیت کئی اضلاع میں اسکولوں کو بند کردیا گیا ہے۔

- Advertisement -

ریلیف کمشنر کا کہنا ہے کہ ریاست میں گزشتہ 24 گھنٹوں میں بارشوں سے متعلق واقعات میں 19 افراد لقمہ اجل بن گئے ہیں۔

امیٹھی، دیوریا، جالون، کانپور، اناؤ، سنبھل، رام پور اور مظفر نگر میں ایک ایک موت ہوئی جبکہ ہردوئی میں چار، بارہ بنکی میں تین، پرتاپ گڑھ اور قنوج میں دو دو افراد کے مرنے کی اطلاعات سامنے آرہی ہیں۔

وزیر اعلی یوگی آدتیہ ناتھ کو 20 سے زیادہ اموات کے بعد ہوش آیا، انہوں نے کہا کہ تمام اضلاع کے عہدیداروں کو چاہئے کہ لوگوں کو سہولیات کی فراہمی کے لئے بھرپور کردار ادا کریں۔

وزیر اعلیٰ نے کہا کہ آفت سے متاثرہ لوگوں میں فوری طور پر جائز امدادی رقم تقسیم کی جائے، ڈی ایم کو چاہئے کہ وہ علاقے کا دورہ کریں اور امدادی کاموں پر نظر رکھیں۔

فصلوں کو پہنچنے والے نقصان کا تخمینہ لگایا جائے اور حکومت کو رپورٹ فراہم کی جائے تاکہ متاثرہ کسانوں کو قواعد کے مطابق معاوضہ دیا جا سکے۔

پانی جمع ہونے کی صورت میں نکاسی آب کے موثر انتظامات کئے جائیں۔ دریاؤں کے پانی کی سطح کو مانیٹر کیا جائے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں