اسلام آباد : نیب کی جانب سے 190ملین پاؤنڈ اسکینڈل میں سربراہ پی ٹی آئی کیخلاف ریفرنس دائر کردیا گیا ، ریفرنس میں بشریٰ بی بی، فرحت شہزادی کو بھی نامزد کیا گیا ہے۔
تفصیلات کے مطابق 190ملین پاؤنڈ اسکینڈل میں قومی احتساب بیورو (نیب) ٹیم نے سربراہ پی ٹی آئی کیخلاف ریفرنس دائر کردیا۔
- Advertisement -
نیب ٹیم کی جانب سے سربراہ پی ٹی آئی کیخلاف احتساب عدالت میں ریفرنس دائرکیا گیا ، نیب راولپنڈی کی جانب سے ریفرنس میں 8 ملزمان کے نام شامل ہیں۔
نیب کی جانب سے ریفرنس میں بشریٰ بی بی، فرحت شہزادی کو بھی نامزد کیا گیا جبکہ شہزاد اکبر اور زلفی بخاری کا نام بھی 190 ملین پاؤنڈ اسکینڈل کے ریفرنس میں شامل ہیں۔
ڈپٹی پراسیکیوٹر جنرل سردار مظفر عباسی نے تفتیشی افسر عمر ندیم کے ہمراہ ریفرنس دائر کیا ہے۔
احتساب عدالت کے رجسٹرار آفس میں ریفرنس کی جانچ پڑتال جاری ہے۔
