اسلام آباد : 190 ملین پاؤنڈ اسیکنڈل میں نیب کی جانب سے ضمنی ریفرنس دائر کئے جانے کا امکان ہے ، ریفرنس میں بشریٰ بی بی کو بھی ملزم نامزد کیا جائے گا۔
تفصیلات کے مطابق نیب کی جانب سے 190 ملین پاؤنڈ اسکینڈل میں ضمنی ریفرنس دائر کرنے کا امکان ہے ، ذرائع نے بتایا کہ ضمنی ریفرنس آئندہ نیب ایگزیکٹو بورڈ میں پیش کیا جائے گا اور نیب ایگزیکٹو بورڈ کی منظوری کے بعد ریفرنس دائر کیا جائے گا۔
ذرائع کا کہنا ہے کہ ضمنی ریفرنس میں بشریٰ بی بی کو بھی ملزم نامزد کیا جائے گا۔
- Advertisement -
نیب ذرائع نے کہا ہے کہ ریفرنس غیر قانونی طریقے سےتحائف حاصل کرنے پر بنایا جائے گا، نیب ٹیم تفتیش مکمل ہونے پر رپورٹ ہیڈ کوارٹر بھیجے گی۔
نیب ذرائع نے مزید بتایا کہ نجی سوسائٹی میں چھاپے کے دوران ملنےوالےشواہد کوریفرنس کا حصہ بنایا جائے گا۔
