کتے کے مالک نے اپنے پالتو جانور کے آرام دہ سفر کے لئے لاکھوں روپے خرچ کر ڈالے۔
کتوں کو پالنے کے شوقین افراد اپنے پالتو جانوروں کو بڑے ناز ونخرے سے پالتے ہیں، بہترین غذا اور ماحول کے ساتھ ان کی تربیت کرتے ہیں، اس طرح کے واقعات آئے روز خبروں کی زینت بنتے ہیں۔
ایسا ہی واقعہ بھارتی ریاست ممبئی میں پیش آیا، جہاں کتے کے مالک نے اپنے پالتو جانور کے آرادم دہ سفر کے لئے ڈھائی لاکھ روپے کی خطیر رقم خرچ کرڈالی، مالک نے ممبئی سے چنئی جانے والی دو گھنٹے طویل پرواز کے لیے ڈھائی لاکھ روپے سے زیادہ خرچ کیے،
واقعہ کچھ یوں ہے کہ ایک کتے کے مالک نے اپنے پالتو جانور کے لیے ایئر انڈیا کی فلائٹ کا پورا بزنس کلاس کیبن بک کرایا، ایئر انڈیا اے 320 طیارے کے جے کلاس کیبن میں 12 نشستیں ہیں، جس پر پالتو کتے نے عیش و آرام سے سفر کیا۔
دلچسپ بات یہ ہے کہ کتے پہلے بھی ایئر انڈیا کی بزنس کلاس میں سفر کر چکے ہیں ، شاید یہ پہلا موقع ہے کہ کسی پالتو جانور کے لیے ایک پورا بزنس کیبن بک کیا گیا ہو۔
واضح رہے کہ ایئر انڈیا ، ہندوستان کی پہلی فضائی سروس ہے جو مسافروں کے کیبن میں گھریلو پالتو جانوروں کو سفر کی اجازت دیتا ہے، ایک پرواز میں زیادہ سے زیادہ دو پالتو جانوروں کی اجازت ہے اور پالتو جانوروں کو بک شدہ کلاس کی آخری قطار میں بٹھایا جاتا ہے۔
پچھلے سال جون اور ستمبر کے درمیان ، ایئر انڈیا نے اپنی مقامی پروازوں میں دو ہزار پالتو جانوروں کو سفر کرایا۔
