The news is by your side.

Advertisement

کوروناوائرس، پہلی ڈیجیٹل پاکستان کانفرنس ملتوی

کراچی: کرونا وائرس کے پیش نظر پہلی ڈیجیٹل پاکستان کانفرنس کو ملتوی کردیا گیا۔

نمائندہ اے آر وائی نیوز کی رپورٹ کے مطابق کانفرنس کے منتظم معروف ایوب نے ایونٹ کو ملتوی کرنے کا اعلان کرتے ہوئے کہا کہ پروگرام میں عالمی شرکا کو بھی شرکت کرنا تھی، سب کی حفاظت کا سوچتے ہوئے ملتوی کرنےکافیصلہ کیا۔

اُن کا کہنا تھاکہ پہلی ڈیجیٹل کانفرنس کا انعقاد 15 اپریل کو کراچی میں ہونا تھا،  کرونا وائرس کی موجودہ صورت حال، قومی تحفظ اور حکومتی اقدامات کی روشنی میں مشاورتی بورڈ نے ہنگامی ویڈیو اجلاس میں ایونٹ کو ملتوی کرنے کا حتمی فیصلہ کیا۔

اُن کا کہنا تھا کہ کرونا وائرس پر قابو پانے اور حالیہ صورت حال بہتر ہوتے ہی کانفرنس کی نئی تاریخ کا اعلان کردیا جائے گا۔ انہوں نے امید ظاہر کی کہ کانفرنس کو ملتوی کرنے کا فیصلہ کرونا وبا کے پھیلاؤ کو روکنے میں معاون و مددگار ثابت ہوگا۔

مزید پڑھیں: اقوام متحدہ کا کورونا پر اجلاس طلب،فواد چوہدری پاکستان کی نمائندگی کریں گے

یاد رہے کہ کرونا وائرس دنیا کے 198 ممالک تک پھیل چکا ہے جس کی وجہ سے اب تک ہونے والی ہلاکتوں کی تعداد 24 ہزار 871 تک پہنچ گئی جبکہ متاثرہ مریضوں کی تعداد ساڑھے پانچ لاکھ تک پہنچ گئی ہے۔

دنیامیں کرونا سے صحت یاب ہونے والے مریضوں کی تعداد بھی اضافے کے بعد 1 لاکھ 28 ہزار 654 تک پہنچ گئی۔ پاکستان میں کرونا وائرس کے مریضوں کی تعداد 1252 تک پہنچ گئی جن میں سے 9 مریض کی اموات ہوئیں، 23 ایسے تھے جو صحت یاب ہوئے جبکہ سات مریضوں کی حالت تشویشناک ہے۔

یہ بھی پڑھیں: کرونا کا وار، اولمپکس 2020 ایک سال کے لیے ملتوی

واضح رہے کہ دنیا بھر میں ہونے والی عالمی کانفرنسز، پروگراموں اور تقاریب کو کرونا وائرس کے خطرے کے پیش نظر ملتوی کردیا گیا ہے۔

fb-share-icon0
Tweet 20

Comments

comments

یہ بھی پڑھیں