The news is by your side.

Advertisement

شکارپور دھماکے میں مطلوب دہشت گرد بلوچستان سے گرفتار

جیکب آباد: سندھ پولیس نے شکارپور دھماکے میں مطلوب 2 دہشت گرد بلوچستان سے گرفتار کر لیے، آئی جی سندھ کلیم امام کا کہنا ہے کہ گرفتار دہشت گرد شکار پور دھماکے میں مطلوب تھے۔

تفصیلات کے مطابق سندھ پولیس نے بلوچستان سے 2 دہشت گرد گرفتار کر لیے، آئی جی سندھ نے بتایا کہ سندھ اور بلوچستان سرحدی پٹی پر سیکورٹی سخت کر دی گئی ہے۔

آئی جی سندھ ڈاکٹر کلیم امام نے کہا کہ گرفتار دہشت گرد شکار پور دھماکے میں پولیس کو مطلوب تھے، ماضی میں بھی بلوچستان کے راستے دہشت گردوں نے کارروائیاں کیں۔

یہ بھی پڑھیں:  شکارپور: پولیس کی بڑی کارروائی، 4 دہشت گرد گرفتار، بارودی مواد برآمد

آئی جی سندھ کا کہنا تھا ہے کہ دہشت گردوں نے جیکب آباد، شکارپور اور کشمور میں دھماکے کیے۔ انھوں نے مزید کہا کہ سندھ میں امن و امان کی صورتِ حال اب پہلے سے بہتر ہے۔

یاد رہے کہ 20 مارچ کو بھی شکار پور میں پولیس نے دہشت گردی کا بڑا منصوبہ نا کام بناتے ہوئے 4 دہشت گردوں کو گرفتار کر کے بارودی مواد بر آمد کیا تھا، گرفتار دہشت گرد سندھ، بلوچستان میں دہشت گردی میں ملوث حفیظ بروہی اور عبداللہ بروہی کے قریبی ساتھی بتائے گئے۔

دہشت گردوں میں عبد الحکیم بنگلانی، عبد الشکور، اسحاق جعفری اور فاروق سومرو شامل تھے، دہشت گردوں سے 2 پریشر ککر بم، 35 ہینڈ گرنیڈ، 20 کلو بارودی مواد برآمد ہوا۔

Comments

comments

یہ بھی پڑھیں