The news is by your side.

Advertisement

امریکا: راہ چلتے بچوں پر فائرنگ کردی گئی

امریکا میں دو افراد کے درمیان ہاتھا پائی اس وقت ہولناک صورت اختیار کر گئی جب دونوں کے درمیان بچے آگئے اور ایک فریق نے براہ راست ان پر فائرنگ کردی۔

امریکی شہر نیویارک میں پیش آنے والے اس واقعے کی ویڈیو نیویارک پولیس ڈپارٹمنٹ نے جاری کی ہے۔

ویڈیو میں دیکھا جاسکتا ہے کہ دو افراد ایک دوسرے کا پیچھا کرتے ہوئے تیزی سے بھاگ رہے ہیں، اچانک آگے والا شخص دو راہگیر بچوں سے ٹکراتا ہے اور انہیں بطور ڈھال اپنے اوپر گرانے اور کھینچنے کی کوشش کرتا ہے۔

اس دوران دوسرا شخص بھی اس کے سر پر پہنچ جاتا ہے اور بغیر سوچے سمجھے فائرنگ شروع کردیتا ہے۔ گرنے والا شخص مسلسل بچوں کو اپنی طرف کھینچتا ہے اور فائرنگ کرنے والا بھی کئی فائر کرتا ہے۔

خوش قسمتی سے دونوں بچے فائرنگ کی براہ راست زد میں ہونے کے باوجود محفوظ رہتے ہیں اور فائرنگ کا نشانہ بننے والا شخص زخمی ہوجاتا ہے۔

پولیس کے مطابق بچی کی عمر 10 سال اور بچے کی عمر 5 سال تھی، ایک موقع پر بچی چھوٹے بچے کو بچانے کے لیے اپنے بازوؤں کے حصار میں بھی لے لیتی ہے۔

فائرنگ کرنے والا ملزم ایک اور شخص کے ساتھ اسکوٹر پر جائے وقوعہ سے فرار ہوجاتا ہے۔

نیویارک پولیس نے واقعے کی ویڈیو جاری کر کے عوام سے ملزم کی شناخت کرنے اور اسے ڈھونڈنے میں مدد کی اپیل کی ہے۔

Comments

یہ بھی پڑھیں