دبئی: متحدہ عرب امارات میں دو لڑکیوں نے منہدم ہونے والی دکان کے ملبے سے بزرگ شہری اور دو ملازمین کو بروقت ریسکیو کر کے اُن کی زندگیوں کو محفوظ بنالیا۔
عرب میڈیا کے مطابق دبئی کے شہر راس الخیمہ میں واقع سپرمارکیٹ کے باہر بنی دکان اچانک ملبے کے ڈھیر میں تبدیل ہوگئی، مہندم ہوتے وقت اس کے اندر بزرگ شہری اور دو ملازمین موجود تھے۔
جمعرات کے کی صبح 11 بجے جب 25 اور 31 سالہ اماراتی بہنوں کو زور دار دھماکے کی آواز آئی تو انہوں نے بالکونی میں آکر منظر دیکھا اور ملبے میں دبے لوگوں کی مدد کا فیصلہ کیا۔
دونوں بہنیں فوراً جائے وقوعہ پہنچیں اور انہوں نے اپنی مدد آپ کے تحت ملبہ ہٹانا شروع کیا۔
اماراتی نوجوان لڑکیوں نے 60 سالہ معمر بزرگ اور دو نوجوان ملازمین کو ملبے سے باہر نکالا جس کے بعد انہیں ایمبولینس کی مدد سے اسپتال پہنچایا گیا۔
ڈاکٹرز کے مطابق زخمیوں کو اگر بروقت ریسکیو نہ کیا جاتا تو ان کی جان جانے کا خدشہ تھا۔
دونوں لڑکیوں کو دیکھ کر سڑک سے گزرنے والے اور بھی لوگ مدد کو پہنچے انہوں نے بھی زخمیوں کو نکالنے اور اسپتال منتقل کرنے میں مدد فراہم کی۔
مقامی حکام نے دونوں لڑکیوں کو بہادری کا لقب دیتے ہوئے انہیں سرکاری مہمان بننے کی دعوت بھی دی جسے انہوں نے قبول کرلیا۔