The news is by your side.

Advertisement

کراچی میں ایک گھنٹے کے دوران آتشزدگی کے 2 واقعات

کراچی: شہر قائد میں ایک گھنٹے کے دوران آتشزدگی کے دو واقعات پیش آئے ہیں، سیفی کالج کے قریب آئل ڈپو میں آگ لگ گئی جب کہ سہراب گوٹھ میں مسافر بس میں اچانک آگ بھڑک اٹھی۔

تفصیلات کے مطابق آتشزدگی کا پہلا واقعہ نارتھ ناظم آباد میں سیفی کالج کے قریب پیش آیا جہاں آل ڈپو میں خوفناک آگ بھڑک اٹھی، آگ پر قابو پانے کے لیے فائر بریگیڈ کی 3 گاڑیاں مصروف ہیں۔

مقامی پولیس کا کہنا ہے کہ غیر قانونی طور پر قائم کی گئے آئل ڈپو میں لگی آگ شدت اختیار کر گئی ہے جس کے سبب اطراف کے گھروں کوخالی کرایا جارہا ہے جب کہ آگ لگنےسےایک شخص زخمی بھی ہوا جسے اسپتال منتقل کر دیا گیا ہے۔

دوسری جانب سہراب گوٹھ بس اڈے پر کھڑی مسافر بس میں اچانک آگ بھڑک اٹھی، بس میں سوار تمام افراد کو بحفاظت باہر نکال لیا گیا اور مقامی افراد اپنی مدد آپ کے تحت آب بجھانے کی کوششوں میں مصروف ہیں۔

Comments

یہ بھی پڑھیں