تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

پولیس سے شادی کی گزارش کرنے والے ڈھائی فٹ کے عظیم کو دلہن مل گئی

نئی دہلی: بھارتی ریاست اتر پردیش کے ڈھائی فٹ قد کے مالک عظیم منصوری کی دلہن کی تلاش ختم ہوگئی، انہیں اپنی پسند کی شریک حیات مل گئی جس کا قد بھی انہی کی طرح ڈھائی فٹ ہے۔

بھارتی میڈیا کے مطابق عظیم منصوری نے کچھ عرصہ قبل پولیس اسٹیشن پہنچ کر پولیس سے اپنے لیے دلہن ڈھونڈنے کی گزارش کی تھی، اس وقت ان کی ویڈیو سوشل میڈیا پر اتنی وائرل ہوئی تھی کہ ہر شخص انہیں پہچاننے لگا تھا۔

ویڈیو وائرل ہونے کے بعد وہ راتوں رات مشہور ہوگئے تھے اور ملک کے مختلف حصوں سے ان کے لیے رشتے آنے لگے۔ ان ڈھیر سارے رشتوں میں عظیم منصوری نے ہاپوڑ کی رہائشی بشریٰ کو اپنی شریک حیات بنانے کا فیصلہ کیا۔ بشریٰ کا قد بھی ڈھائی فٹ ہے۔

دونوں کی بات طے پاچکی ہے اور جلد ہی دونوں رشتہ ازدواج میں منسلک ہوجائیں گے۔ 20 سالہ بشریٰ بی کام سال اول کی پڑھائی کر رہی ہے اور پڑھائی پوری ہونے کے بعد دونوں کا نکاح ہو جائے گا۔

بھارتی میڈیا رپورٹ کے مطابق بشریٰ کی بڑی بہن زویا کا کہنا ہے کہ عظیم اور بشریٰ کی شادی طے ہونے کے بعد ہم سب بہت خوش ہیں اور بشریٰ بہت خوش قسمت ہے کہ اسے عظیم جیسا ہمسفر ملا ہے۔

بشریٰ کی والدہ نے بھی اپنی خوشی کا اظہار کرتے ہوئے بتایا کہ وہ زویا کے لیے بھی لڑکا دیکھ رہے ہیں اور جلد دونوں بہنوں کا ایک ساتھ نکاح کردیا جائے گا۔

Comments

- Advertisement -