فجیرہ کی رہائشی عمارت میں‌ ہولناک آتشزدگی، دو افراد زخمی Fujairah tower
The news is by your side.

Advertisement

فجیرہ کی رہائشی عمارت میں‌ ہولناک آتشزدگی، دو افراد زخمی

فجیرہ : متحدہ عرب امارات کی ریاست فجیرہ کی رہائشی عمارت میں خوفناک آتشزدگی کے نتیجے میں دو افراد زخمی ہوگئے، جنہیں فوری طور پر اسپتال منتقل کردیا گیا تھا۔ 

تفصیلات کے مطابق متحدہ عرب امارات کی ریاست فجیرہ کی ایک رہائشی عمارت میں بدھ کے روز رات 9 بج کر 40 منٹ اچانک ہولناک آگ بھڑک اٹھی جس کے نتیجے میں دو افراد زخمی ہوگئے۔

فجیرہ سول ڈیفینس کے ڈائریکٹر جنرل بریگیڈیر علی ال توناجی نے مقامی خبر رساں ادارے کو بتایا کہ زخمی ہونے والے افراد آگ کے باعث اٹھنے والے دھوئیں سے متاثر ہوئے تھے۔

سول ڈیفینس کے ڈائریکٹر جرل کا کہنا تھا کہ ریسکیو خدمات انجام دینے والے اہلکاروں نے آتشزدگی کی اطلاع ملتے ہی جائے حادثہ پر پہنچ کر ریسکیو کا کام شروع کردیا تھا، ریسکیو آپریشن میں 225 اہلکار شریک ہیں۔

سول ڈیفینس ٹیم کا کہنا ہے کہ آتشزدگی گراؤنڈ فلور پر جمع ہونے والے کچرے کے ڈھیر میں بھڑکی تھی جس نے دیکھتے ہی دیکھتے اوپری منزلوں کو بھی اپنی لپیٹ میں لے لیا تھا۔

اماراتی میڈیا کا کہنا ہے کہ چھ منزلہ عمارت میں رہائش پذیر افراد نے خوفناک آتشزدگی کے بعد عمارت خالی کردی تھی، جس کے بعد آگ بجھانے والے عملے نے آگ پر قابو پایا تھا۔

ڈائریکٹر جنرل بریگیڈیر علی ال توناجی کا کہنا تھا کہ عمارت میں مقیم افراد کو کولنگ کا عمل مکمل ہونے کے بعد دوبارہ عمارت میں جانے اجازت دے دی جائے گی۔


مزید پڑھیں : متحدہ عرب امارات، گھر میں ہولناک آتشزدگی، 8 افراد جاں بحق


Comments

comments

یہ بھی پڑھیں