ماسکو: روس میں مسافر طیارے کو ایمرجنسی لینڈنگ کرنا پڑ گئی جس کے نتیجے میں 2 افراد ہلاک ہوگئے۔
غیرملکی خبررساں ادارے کے مطابق روسی علاقے سائبیریا میں ہنگامی حالات کے علاقائی وزارت کا کہنا ہے کہ آنٹونوف چوبیس طرز کا ایک مسافر ہوائی جہاز کو بوریاتیا کے خطے میں ایئرپورٹ پر ہنگامی لینڈنگ کرنا پڑی اور وہ عمارت سے ٹکرا گیا جس کے نتیجے میں 2 افراد ہلاک اور 7 زخمی ہوگئے۔
طیارے میں عملے کے 5 ارکان سمیت 48 افراد سوار تھے، دوران پرواز ایک انجن بند ہونے کے بعد ہنگامی لینڈنگ کے دوران طیارہ رن وے پر پھلستا ہوا ایک چھوٹی عمارت سے ٹکرا گیا۔
Two people have died and several others have been hospitalised after an aircraft carrying 48 people crashed in Eastern Siberia.#Siberia #PlaneCrash #Russia pic.twitter.com/2M7JLfSipr
— On Demand News (@ODN) June 27, 2019
اس دوران طیارے میں آگ بھڑک اُٹھی جس کے سبب دو افراد ہلاک اور 7 زخمی ہوگئے، زخمیوں کو فوری طور پر طبی امداد کے لیے اسپتال منتقل کیا گیا جہاں 4 کی حالت تشویشناک بتائی گئی ہے، زخمیوں میں دو بچے بھی شامل ہیں۔
طیارہ حادثے کی تحقیقیات کا آغاز کردیا گیا ہے جس کے بعد میڈیا کے ذریعے عوام کو تفصیل سے آگاہ کردیا جائے گا۔
