The news is by your side.

Advertisement

عمارت کے ملبے تلے دفن 2 افراد پچاس گھنٹوں بعد زندہ نکال لیے گئے

بیجنگ: وسطی چین میں منہدم ہونے والی ایک عمارت کے ملبے تلے دفن 2 افراد کو زندہ نکال لیا گیا۔

تفصیلات کے مطابق چین کے سرکاری میڈیا نے کہا ہے کہ اتوار کو وسطی چین میں ایک عمارت کے منہدم ہونے کے 50 گھنٹے بعد دو افراد کو بچا لیا گیا، جس میں درجنوں افراد پھنس چکے ہیں یا لاپتا ہو گئے ہیں۔

رہائشی عمارت کے انہدام کا واقعہ چین کے صوبے ہنان کے دارالحکومت چانگشا میں پیش آیا، جس کے نتیجے میں 39 افراد لاپتا ہو گئے ہیں، اور اب تک عمارت کے ملبے سے 7 افراد کو بہ حفاظت نکالا جا چکا ہے۔

پولیس نے حادثے کے بعد عمارت کے مالک سمیت 9 افراد کو حراست میں لے لیا ہے اور تحقیقات کا سلسلہ جاری ہے۔ حکام کا کہنا تھا کہ ملبے تلے نکالے جانے والے افراد کی حالت تشویش سے باہر ہے اور اسپتال میں ان کی نگہداشت جاری ہے۔

حکام کے مطابق ملبے تلے تقریباً 20 افراد پھنسے ہوئے ہیں، جب کہ مزید 39 کا ہفتہ کے آخر تک کوئی پتا نہیں تھا۔

پولیس کا کہنا ہے کہ عمارت کے مالک کے علاوہ، انھوں نے تین افراد کو ڈیزائن اور کنسٹرکشن کے حوالے سے اور پانچ دیگر کو اس وجہ سے گرفتار کیا ہے کیوں کہ انھوں نے عمارت کی چوتھی سے چھٹی منزل تک ایک گیسٹ ہاؤس کے لیے غلط حفاظتی تخمینہ لگایا تھا۔

Comments

یہ بھی پڑھیں