The news is by your side.

Advertisement

مصر، خودکش حملے میں 2 پولیس افسر ہلاک

قاہرہ: مصر کے شہر اسکندریہ میں ڈائریکٹر سیکیورٹی جنرل مصطفی النمر کے قافلے پر خودکش حملے کے نتیجے میں 2 پولیس افسر ہلاک ہوگئے۔

مصری میڈیا کے مطابق مصر کے شہر اسکندریہ میں شاہراہ الرومانی رشدی کے مقام پر ایک خودکش کار بم دھماکے میں اسکندریہ کے ڈائریکتر سیکیورٹی جنرل مصطفی النمر کے قافلے کو نشانہ بنانے کی کوشش کی گئی تاہم وہ خوش قسمتی رہے جبکہ دو پولیس افسر ہلاک اور 5 افراد زخمی ہوگئے۔

مصری حکام کے مطابق اسکندریہ حملے میں ملوث ملزمان کی تلاش جاری ہے، سی سی ٹی وی کیمروں کی مدد سے حملہ آور کی شناخت کرلی گئی ہے، دیگر ملزمان کے ٹھکانوں اور ان کے فرار ہونے والے راستوں کی نشاندہی کی جارہی ہے۔

میڈیا رپورٹس کے مطابق دہشت گردوں نے ایک فلیٹ کرائے پر حاصل کررکھا تھا، حملہ آورں نے باقاعدہ منصوبہ بندی کے تحت ڈائریکٹر سیکیورتی جنرل کو دہشت گردی کا نشانہ بنایا۔

دہشت گرد اسکندریہ کے ڈائریکٹر سیکیورٹی جنرل مصطفی النمر کے قافلے کو نشانہ بنانا چاہتے ہیں مگر وہ خوش قسمتی سے محفوظ رہے جبکہ دو پولیس افسر جان کی بازی ہار گئے۔

حملے میں بچ جانے والے ڈائریکٹر سیکیورٹی جنرل مصطفی النمر کا کہنا ہے کہ خوش قسمتی سے حملے میں محفوظ رہا، بزدلانہ حملوں سے گھبرانے والا نہیں ہوں، میں آئندہ ہفتے ہونے والے الیکشن کے دوران اپنی ڈیوٹی نبھاتا رہوں گا۔

یہ پڑھیں: مصر: مسجد میں دھماکہ ،تحقیقات جاری،متعددافراد گرفتار

مصری حکام کے مطابق ابھی تک کسی جانب سے دھماکے کی ذمہ داری قبول نہیں کی گئی ہے تاہم داعش کی جانب سے گزشتہ ماہ ویڈیو جاری کی گئی تھی جس میں مصر میں ہونے والے انتخابات کے خلاف سیکیورٹی فورسز اور سیاست دانوں کو نشانہ بنانے کی دھمکی دی گئی تھی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں