ایف بی آر نے اسلام آباد میں جعلی رسیدیں جاری کرنے پر 2 ریسٹورنٹس سیل کر دیے۔
ریجنل ٹیکس آفس اسلام آباد کے مطابق ٹیئر1 ریٹیلرز، ریسٹورنٹس کو ٹیکس نیٹ میں لانےکیلئے پی او ایس کے ذریعے شامل کرنے کی مہم جاری ہے۔ پوائنٹ آف سیل ٹریکنگ سافٹ ویئر کے ذریعے جعلی رسیدوں کی تصدیق کی گئی جس کے بعد اسلام آباد میں 2 ریسٹورنٹس کو سیل جب کہ 5،5 لاکھ جرمانہ عائد کیا گیا۔
اعلامیہ میں کہا گیا ہے کہ ایف بی آر 25 اکتوبر سے پوائنٹ آف سیل انعامی اسکیم شروع کر چکا ہے پہلے مرحلہ میں اسکیم اسلام آباد میں ٹیئر1 کے ریسٹورنٹس، ٹییر Iریٹیلرز کیلئے متعارف کرائی گئی ہے۔
پی اوایس پرائز اسکیم کو اگلے ماہ سے پورے ملک تک توسیع دی جائے گی۔ ٹیکس آسان ایپ کے ذریعے جعلی رسیدوں سے متعلق مطلع کرنے والوں کو انعام دیا جائے گا۔
ایف بی آر جعلی رسیدوں کی تصدیق کے بعد صارفین کے بینک اکاونٹس میں نقد انعامات منتقل کرے گا۔ جن ٹیئر1 ریٹیلرز، ریسٹورنٹس کیخلاف رپورٹ ہو گی انہیں جعلی رسید اجرا پر سیل کیا جائےگا۔
