کراچی : پیپلز پارٹی کے رہنماؤں ڈاکٹرعاصم، شرجیل میمن، سراج درانی سمیت اہم ترین کیسز کی پیروی کرنے والے 2 سینئر پراسیکیوٹرز نے عہدوں سےاستعفیٰ دے دیا۔
تفصیلات کے مطابق نیب کراچی کے 2 سینئر پراسیکیوٹرز نےعہدوں سےاستعفیٰ دےدیا، نیب پراسیکیوٹرریاض عالم اور شہبازسہوترا نے استعفے نیب ہیڈکوارٹر ارسال کردیے ہیں۔
دونوں پراسیکیوٹرز نے استعفوں کی تصدیق کردی ہے جبکہ پراسیکیوٹر ریاض عالم کااستعفیٰ منظورکرلیا گیا ہے۔
- Advertisement -
دونوں پراسیکیوٹرز احتساب عدالت اور سندھ ہائیکورٹ میں اہم کیسز کی پیروی کررہے تھے۔
پراسیکیوٹرز ڈاکٹرعاصم، شرجیل میمن، سراج درانی سمیت اہم ترین کیسزکی پیروی کررہے تھے ، دونوں 4سال سےنیب میں فرائض انجام دے رہے تھے۔
