بھارت کے شہر دہلی میں ایک افسوسناک واقعہ میں پیش آیا، جب نجف گڑھ میں واقع ہیئر سیلون کے اندر دو افراد کو گولی مار کر قتل کر دیا گیا۔
غیر ملکی ذرائع ابلاغ کے مطابق انتہائی دیدہ دلیری سے کی گئی یہ واردات احاطے میں لگے سی سی ٹی وی کیمرے میں قید ہوگئی۔
ویڈیو میں دیکھا جاسکتا ہے کہ اسلحہ سے لیس ایک ملزم سیلون میں داخل ہوتا ہے اور ایک متاثرہ شخص پر متعدد گولیاں برساتا ہے، گولیوں کی آواز سن کر سیلون کا ایک ملازم موقع پر پہنچ جاتا ہے لیکن خوفناک منظر دیکھ کر واپس بھاگ جاتا ہے۔
A day after two people were shot dead inside a salon in Delhi's Najafgarh, police have identified both the attackers, who were suspected to have been involved in a dispute with the accused over a social media post, Accused have been identified as Sanjeev Dahiya and Harsh. https://t.co/k7SKTKA13T
— Raajeev Chopra (@Raajeev_Chopra) February 10, 2024
پولیس کے مطابق یہ واقعہ نجف گڑھ کے اندرا پارک علاقے میں واقع ایک ہیئر سیلون میں پیش آیا جہاں متاثرہ افراد جن کی شناخت آشیش اور سونو کے نام سے ہوئی ہے، جمعہ کی شام بال کٹوانے گئے تھے۔
ایک سینئر افسر نے کہا کہ سی سی ٹی وی فوٹیج کی بنیاد پر، پولیس نے دونوں حملہ آوروں کی شناخت کرلی ہے اور انہیں جلد سے جلد پکڑنے کی کوششیں جاری ہیں۔
پولیس نے کہا کہ ڈھٹائی سے قتل کا مقصد ذاتی دشمنی لگتا ہے جو سوشل میڈیا پوسٹ پر جھگڑے کی وجہ سے ہوا ہے۔ ملزمان کی گرفتاری کے لیے مقامی پولیس اور کرائم برانچ کی کم از کم نصف درجن ٹیمیں تشکیل دی گئی ہیں۔
ڈپٹی کمشنر آف پولیس (دوارکا) انکت سنگھ نے کہا کہ ٹیمیں ملزمان کو پکڑنے کے لیے کام کر رہی ہیں۔ انہوں نے کہا کہ ملزمان کی گرفتاری کے بعد بہت سی چیزیں واضح ہو جائیں گی۔
