The news is by your side.

اسپین میں‌ دو ٹرینیں‌ آپس میں ٹکرا گئیں، 155 زخمی

بارسلونا: اسپین میں‌ دو ٹرینیں‌ آپس میں ٹکرا گئیں، حادثے میں 155 افراد زخمی ہو گئے۔

غیر ملکی میڈیا رپورٹس کے مطابق اسپین کے علاقے کاتالونیا کے ایک ریلوے اسٹیشن پر 2 ٹرینیں آپس میں ٹکرا گئیں، جس سے ایک سو پچپن افراد زخمی ہو گئے۔

دونوں ٹرینیں ایک ہی سمت میں سفر کر رہی تھیں، حادثے میں اسٹیشن کی طرف آنے والی ٹرین اسٹیشن پر پہلے سے کھڑی ٹرین سے ٹکرا گئی تھی، کاتالونیا کی پولیس تحقیقات کر رہی ہے کہ یہ واقعہ کیسے پیش آیا۔

ریسکیو نے بتایا کہ صرف 14 زخمی مسافروں کو مزید علاج کے لیے مقامی اسپتال منتقل کیا گیا ہے، باقی مسافروں کو معمولی چوٹیں ہی آئی ہیں۔ ریسکیو کے مطابق تصادم کے وقت ٹرین بہت آہستہ چل رہی تھی، جو لوگ اس وقت ٹرین میں کھڑے تھے وہ گر گئے اور انھیں چوٹ لگی۔

میڈیا رپورٹس کے مطابق کاتالونیا کے مضافاتی ٹرین سسٹم پر حالیہ برسوں میں کئی حادثات ہوئے ہیں، اس سسٹم کو بہتر طریقے سے چلانے کے لیے کاتالونیا حکام نے اسپین کی مرکزی حکومت کو ذمہ دار ٹھہرایا جس کی جانب سے فنڈز مہیا نہیں کیے جا رہے۔

Comments

یہ بھی پڑھیں