سیالکوٹ : باپ کی پستول سے اتفاقیہ گولی چلنے سے 2 سالہ بیٹا جاں بحق ہوگیا ، ملزم مبینہ طور پر پستول کی صفائی کر رہا تھا کہ واقعہ پیش آیا۔
تفصیلات کے مطابق سیالکوٹ کےعلاقے حاجی پورہ میں باپ کی پستول سے اتفاقیہ طور پر چلنے والی گولی نے دو سالہ بیٹے کی جان لے لی۔
پولیس حکام نے بتایا کہ ملزم مبینہ طور پر پستول کی صفائی کر رہا تھا کہ اس دوران گولی چل گئی، پولیس نے لاش ضابطہ کارروائی کیلئے اسپتال منتقل کردی اور ملزم کو گرفتار کرکے مقدمہ درج کرلیا۔
یاد رہے پنجاب کے علاقے رائے ونڈ میں پانچ سالہ بچہ اتفاقیہ گولی چلنے سے زخمی ہوگیا تھا، پولیس حکام کے مطابق بچے کا چاچا پستول صاف کررہا تھا کہ اسی دوران اچانک گولی چل گئی، جو سیدھی جاکر بچے کو لگی۔
