ابو ظہبی : اماراتی پولیس نے متحدہ عرب امارات سمیت عالمی سطح پرمنشیات کی اسمگلنگ اور فروخت کرنے والے 20 افراد پرمشتمل گروہ کوگرفتار کرکے منشیات برآمد کرلی ہے۔
تفصیلات کے مطابق متحدہ عرب امارات کے دارالحکومت ابوظہبی میں پولیس اور نارکوٹکس اہلکاروں نے خفیہ اطلاعات پر مشترکہ کارروائی کرتے ہوئے منشیات اسمگلنگ اور فروخت میں ملوث ایشائی گروہ کو گرفتار کرکے 20 کلو گرام سے زائد ہیروئن اور کرسٹل برآمد کرلی ہے۔
ابوظہبی پولیس کے کرنل طاہرغریب ال دہری کا کہنا ہے کہ دبئی کے سیکیورٹی اداروں نے عالمی سطح پر ہیروئن اور کرسٹل کی اسمگلنگ فروخت میں ملوث 20 افراد مشتمل ایشائی گروہ کو گرفتارکرکے عدالت میں پیش کیا ہے۔
ضبط 20 كيلو من "الهيروين والكريستال”.. #شرطة_أبوظبي تقبض على 20 شخصاً بتهمة ترويج المخدرات pic.twitter.com/OLMzOpADcC
— شرطة أبوظبي (@ADPoliceHQ) April 24, 2018
ان کا کہنا تھا کہ ملزمان تجارتی جہازوں کے ذریعے منشیات اسمگلنگ کرکے یو اے ای لاتے تھے۔ 20 افراد پر مشتمل گروہ کا سرغنہ بیرون ملک سے گروہ کو ہدایات فراہم کرتا ہے۔
کرنل ال دہری نے عوام سے گذارش کی ہے کہ منشیات فروش گروہ کا سربراہ بیرون ملک روپوش ہے، عوام مذکروہ گروہ کے سربراہ کو گرفتار کرنے مدد فراہم کرے۔
دبئی: منشیات فروشی کے الزام میں پاکستانی ڈرائیور گرفتار
ابوظہبی نارکوٹکس ڈپارٹمنٹ کے ڈائریکٹر کرنل طاہر غریب ال دہری کا کہنا تھا کہ سیکیورٹی ایجنسیاں گذشتہ تین ماہ سے متحدہ عرب امارات میں منشیات اسمگلنگ اور فروخت میں ملوث گروہوں کے خلاف کارروائیاں جاری رکھے ہوئے ہیں۔ مذکروہ ملزمان کو بھی خفیہ اطلاعات کے موصول ہونے پر حراست میں لیا گیا ہے۔
ان کا کہنا تھا کہ پولیس نے ملزمان کے قبضے سے 20 کلو ہیروئن اور کرسٹل برآمد کرنے کے بعد تلف کردی ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں