بغداد، دو خود کش حملوں میں 18 افراد جاں بحق اور 20زخمی iraq
The news is by your side.

Advertisement

بغداد، دو خود کش حملوں میں 18 افراد جاں بحق 20 زخمی

بغداد : عراق میں 2 خود کش بم دھماکوں کے نتیجے میں 18 افراد جاں بحق اور 20 سے زائد زخمی ہو گئے ہیں۔

تفصیلات کے مطابق خود کش دھماکے پولیس چوکی کے نزدیک کیے گئے جس کے لیے دو کاروں کو استعمال کیا گیا جس میں بارودی مواد بھرا گیا تھا۔

غیر ملکی خبر رساں ادرے نے پولیس حکام کے حوالے سے بتایا ہے کہ خودکش حملہ آوروں نے ایک پولیس چوکی کو نشانہ بنایا ہے جس کے نتیجے میں اٹھارہ افراد ہلاک جب کہ بیس سے زائد زخمی ہو گئے ہیں۔

زخمیوں کو فوری طورقریبی اسپتال منتقل کردیا گیا ہے جہاں 18 ہلاکتوں کی تصدیق کردی گئی ہے اور بیس سے زائد زخمی ہیں جن میں سے پانچ کی حالت نازک بتائی جا رہی ہے جس کے باعث ہلاکتوں میں اضافے کا خدشہ ظاہر کیا جارہا ہے۔

پولیس حکام کا کہنا ہے کہ متاثرہ افراد کو اسپتال منتقل کردیا گیا ہے اور جائے وقوعہ سے شواہد اکٹھے کرلیے ہیں جب کہ تاحال حملے کی ذمہ داری کسی شدت پسند جماعت نے قبول نہیں کی ہے۔

خیال رہے عراق میں شدت پسند تنظیم داعش اور سرکاری فورسز کے درمیان جھڑپوں کا سلسلہ جاری ہے جس میں سیکیورٹی فورسز کو کئی کامیابیاں حاصل ہوئی ہیں اور حال ہی میں سرکاری فورس نے موصل کا کنٹرول دوبارہ سے حاصل کرلیا ہے۔

Comments

comments

یہ بھی پڑھیں