The news is by your side.

Advertisement

2 کروڑ ٹیسٹ کر چکے، 12 عارضی اسپتال بنا رہے ہیں: ٹرمپ

ملین آف بیرل تیل محفوظ کرنے کے لیے سعودی عرب اور روس سے بات کی ہے: امریکی صدر

واشنگٹن: امریکی صدر نے معمول کی پریس کانفرنس کرتے ہوئے کہا ہے کہ کرونا وائرس کے سلسلے میں اب تک امریکا میں 2 کروڑ ٹیسٹ کیے جا چکے ہیں، امریکی افواج 12 عارضی اسپتال بنا رہی ہیں۔

تفصیلات کے مطابق ڈونلڈ ٹرمپ نے کرونا ٹاسک فورس کے ہمراہ پریس کانفرنس میں کہا کہ لاکھوں امریکی اس مشکل وقت میں قربانیاں دے رہے ہیں، ایک بہترین مستقبل امریکیوں کی راہ دیکھ رہا ہے، مجھے محسوس ہوتا ہے ہماری معیشت جلد بہتر ہوگی، ہم بھرپور طریقے سے واپس آئیں گے، مزید 500 ملین ماسک خرید رہے ہیں، اربوں ڈالرز کی میڈیکل سپلائی ریاستوں کو بھجوا رہے ہیں۔

عالمگیر وبا کرونا وائرس سے اموات 1 لاکھ کے قریب پہنچ گئیں

امریکی صدر کا کہنا تھا کہ ایئر لائنز کا کاروبار بچانے کے لیے پیکج کا اعلان کریں گے، کرونا ویکسین کی تیاری سے متعلق بھی حوصلہ افزا اطلاعات آ رہی ہیں، امریکا کے پاس دنیا کے بہترین ہیلتھ ورکرز ہیں۔

ڈونلڈ ٹرمپ نے تیل کی پیداوار سے متعلق بتایا کہ تیل کو محفوظ کرنے کے لیے ان کی سعودی عرب اور روس سے بات ہوئی ہے۔ انھوں نے کہا سعودی عرب اور روس بہت زیادہ تیل پیدا کر رہے ہیں لیکن موجودہ حالات میں تیل فروخت نہیں ہو رہا، اس سلسلے میں روس کے صدر اور سعودی فرماں روا سے بات ہوئی ہے، ملین آف بیرل تیل محفوظ کرنے کے لیے نئے مقامات بنا رہے ہیں۔

fb-share-icon0
Tweet 20

Comments

comments

یہ بھی پڑھیں