The news is by your side.

Advertisement

سشانت سنگھ کی اچانک موت ایک اور مداح کی جان لے گئی

نئی دہلی: بالی ووڈ اداکار سشانت سنگھ کی اچانک موت نے ان کے بہت سے مداحوں کو غمگین اور افسردہ کردیا ہے، ایسے ہی ان کا ایک مداح ان کی موت کا صدمہ برداشت نہ کرسکا اور اس نے خودکشی کرلی۔

بھارتی میڈیا کے مطابق ریاست راجھستان کا 20 سالہ رہائشی نوجوان اداکار سشانت سنگھ کی موت سے نہایت دلبرداشتہ تھا، ایسی ہی نا امیدی کے عالم میں گزشتہ روز اس نے خود کو پھانسی لگا کر خودکشی کرلی۔

مذکورہ نوجوان ایک نجی ادارے میں کام کر رہا تھا، پولیس کو حاصل ہونے والی معلومات کے مطابق نوجوان پب جی گیم کھیلنے کا عادی تھا تاہم سشانت کی موت کے بعد سے وہ گم صم تھا۔

ایک روز اس نے خود کو کمرے میں بند کیا اور خود کو پنکھے کے ساتھ لٹکا لیا۔ پولیس نے لاش کو اپنی تحویل میں لے کر کوئمبٹور گورنمنٹ اسپتال بھیج دیا۔

پولیس کے مطابق موت سے قبل 20 سالہ نوجوان نے ایک نوٹ چھوڑا جس میں لکھا تھا کہ میں سشانت بھائی کے راستے پر چل رہا ہوں، پولیس نے اس نوٹ کو قبضے میں لے کر تفتیش شروع کردی ہے۔

خیال رہے کہ سشانت سنگھ کی خودکشی کے بعد بھارتی نوجوانوں میں خودکشی کا خوفناک رجحان فروغ پارہا ہے، چند روز قبل ضلع نالندہ اور پٹنہ میں ایک لڑکے اور لڑکی نے پھندا لگا کر خودکشی کر لی تھی۔

اس سے قبل گریٹر نوئیڈا میں بھی چھٹی جماعت کے 12 سالہ طالبعلم نے مبینہ طور پر خود کو پھانسی پر لٹکا لیا تھا۔

Comments

یہ بھی پڑھیں